黃淑蔓對愛貓一見鍾情　帶埋拍MV卿卿我我

黃淑蔓（Feanna）最近作客HOY《尋找喵喵的故事》，變身一日店員服侍喵喵，Feanna本身都養了兩隻愛貓，分別是四歲的Chibi及年僅一歲的Michi，她表示：「Chibi係我喺英國讀書嗰陣時養嘅，之後就帶咗佢返嚟，而Michi就係朋友送嘅，因為佢隻貓生咗一大竇，養唔到咁多，就問我想唔想要一隻，我上咗去睇後，就對Michi一見鍾情，就帶咗佢返屋企。」

她早前還帶了Michi一齊拍攝新歌《我的受保護動物》MV，在MV內卿卿我我，畫面溫馨，不過她指兩隻貓咪都很怕出街，所以如非必要她都不會帶牠們外出。

明年是Feanna入行十周年，其歌曲的曲風都由青春無敵改為甜蜜的情歌，她坦言：「因為我咁多年嘅作品，好多都係以青春為題材，有追夢、失戀，都有講感情，就無一首好甜蜜嘅情歌。我都踏入拍拖嘅年紀，咁有一首反應熱戀期少女心事同經歷嘅歌都好應該。」