港姐︱倪樂琳胸前胎記消失 盧凱怡身材最澎湃
2024年08月15日 18:03
東網電視
更多新聞短片
![](/hk/bkn/cnt/entertainment/20240815/photo/bkn-20240815180315264-0815_00862_001_01p.jpg?20240815235103)
《2024香港小姐競選》15位候選佳麗首度以三點式泳裝見傳媒,佳麗身材平均,皆保持得甚弗,未見燕瘦環肥。 穿上泳裝最索佳麗要數大熱門「城大李嘉欣」(2)倪樂琳和(11)梁嘉莹,倪樂琳三圍是33-22.5-33,靚樣加上身材平均,優勢明顯。首次穿泳裝示人,她指心情既激動、又覺刺激和緊張,當作是決賽泳裝環節預演。講到她曾拍攝水著寫真有一定經驗?她則說:「之前水着保守啲,有啲着住牛仔褲,係唔同Style,之前青春啲,依家就高貴。」問到身材與奇峰凸出的陳甜甜怎比?她說:「自己身材梗係好,我唔會彈自己㗎,各有各嘅優勢,自己都可以再好啲。」
倪樂琳的水着相被發現胸前有一大撻胎記,但今日卻消失得無影無蹤?她說:「淨係遮咗心口比較顯眼嘅位,我覺得都冇咩影響嘅,因為胎記都唔係唔靚嘅嘢,係我自己嘅特色,細個就會介意過,覺得唔靚,想激光整走佢。」 身為大熱門的她面部卻出了粒粒,她笑言是睡寶寶,以前要瞓10個鐘,現在受訓,每日只有4、5小時睡覺,還在適應中,加上有不想令支持者失望,有一定壓力。
三圍34-25-36的11號梁嘉莹對於被讚狀態好,她自言一直追求完美,會給自己90分。面試時皮膚幼黑的她愈來愈白,她指沒有特別美白,只是訓練多在室內,少曬太陽慢慢變白,自己則較喜歡健康膚色。問到可會羨慕身材出眾的陳甜甜?她笑說:「自己都夠,唔會要求太多。」又指喜歡自己的身林比例,雙腿夠長,肩膀夠直。
(8)盧凱怡是15位佳麗中,身材最豐滿一位,擁有35.5吋上圍,她聞言時反問「係咩」,問到會否覺得好身材是優勢時?她笑言:「希望個優勢再多啲。」講到今日表現,她自評不俗,但認為步行節奏仍需改善,見她在台上不停擺動身體換甫士,她說:「我哋有老師訓練我哋,所以每個女仔進步都好大。(有冇信心?)梗係有啦!(你係跳舞選手,有舞台經驗比較有優勢?)還好,身邊工作人員都老師都話我跳開舞,所以學嘢比其他人快上手。(今次泳裝上台同平時跳舞比賽有咩唔同?)以前係着重跳舞,今次要着重身體每個部位同表情。」
(6)李曼思與(14)楊梓瑤成最萌身高差,前者身高157cm是眾佳麗中最矮,後者身高178cm在佳麗中高人一等,李曼思被問到會否感身材較輸蝕?她不認同:「我唔覺得,高同矮唔係優點或缺點,而只係自己嘅特色。(你有咩優勝之處?)我平衡力較好,我識踩滾軸溜冰,遲啲大家可以留意吓。」她稱沒有特別為今日要穿泳裝而節食,但就盡量少食煎炸食品以保皮膚狀態。至於楊梓瑤表示有刻意Keep Fit,前一天沒有吃晚飯,今日只吃了隻雞蛋對自己今日表現感滿意,問到會否覺得身高是其優勢時?她直認:「我覺得係,因為可以畀人即時見到我,我腿又長啲,着衫都好睇啲,我腿長106cm。」
(12)鍾翠詩與(13)「艷麗版蔡潔」程姜月今日(15日)以泳裝見傳媒,兩人身材均稱,日前在社交網自爆尾椎受傷的程姜月表示已康復不少:「我睇咗醫生同跌打,之前因為練才藝時跌親。(表演好高難度?)有少少。(會唔會改才藝表演項目?)唔會改。」她稱尾椎傷勢對今日泳環節沒有影響,反而是她有點身體不適:「我因為低血糖同暈車浪,所以上台時有啲暈同腳震。」
另外,鍾翠詩自覺今日的表現還好,最重要是有自信,而她在眾佳麗中,腰圍最細,只有21.5cm,不過她自爆:「我原本只係食生果同菜,戒澱粉質,但尋晚太肚餓,食咗成包餅乾,但我今日整日冇食嘢,只係飲咗杯齋啡。」她稱之前選華姐時由109磅減至100磅,故今次參選較輕鬆,只需繼續保持原本體重便可以。提到有網民認為她比之前跌Watt,她解釋:「可能因為之前外景太充實,依家有番足夠休息已經好啲。」程姜月透露也有戒澱粉質,兼且一日只吃兩餐,中午只吃牛肉及菜,體重由53公斤成功減至47公斤。
至於(9)陳甜甜三圍34-23-34,數字雖未算突出,但首度以三點式泳裝示人卻「奇峰凸出」,谷起「咪咪」更出現大細波,成功搶鏡,胸贏班熱門佳麗。陳甜甜努力以廣東話接受訪問,雖然唔鹹唔淡,不過勝在誠意可嘉,講到首次着泳衣,她坦言心情緊張。被問到是否加墊谷咪咪?她即否認並強調自己是「真材實料」!而(10)吳芷靖三圍31.5-22-33,上圍與(6)李曼思皆是佳麗中最「平平無奇」,不過她對自己的身材充滿自信,沒有刻意Keep弗對自己22吋纖腰相當滿意。