楊茜堯帶仔女睇展覽　小朋友眼仔睩睩勁可愛

視后楊茜堯與老公羅子溢育有1仔1女，大女「小珍珠」羅翊心（Hera）和細仔Eden，今日（15日）楊茜堯於社交網晒出同仔女去睇多啦A夢展覽的照片，見兩個小朋友玩得非常開心，對鏡頭擺勝利手勢及露出燦爛笑容，場面溫馨。囡囡「小珍珠」穿着碎花連身裙，五官標緻，十足小公主一樣，非常可愛！而仔仔Eden同樣眼仔睩睩好精靈，一身型仔打扮，兩個仔女都盡得父母真傳。貼文一出，即有不少網民留言大讚「靚媽同兩個靚小孩」、「囡囡勁靚女，阿仔又靚仔，真係優良DNA」、「小珍珠同細佬都好可愛」。