大熊貓誕龍鳳胎　錢嘉樂湯盈盈被推百日宴上契

大熊貓「盈盈」做「高齡產婦」尋日（15日）凌晨誕下一對龍鳳胎，獲全港祝福！2007年「盈盈」、「樂樂」來港，錢嘉樂同湯盈盈因同國寶撞名，2012年時就搵嚟大熊貓「證婚」，如今「盈盈」、「樂樂」終於跟上錢嘉樂同湯盈盈腳步成為父母，唔少網民都笑指錢嘉樂夫婦應該去熊貓BB百日宴，群情洶湧！

當年二人結婚儀式特別挑選喺主題公園進行，並首次獲安排喺國寶大熊貓「盈盈」見證下完婚，又包下公園熊貓餐廳舉行婚宴，威水之餘又別具意義。如今「盈盈」成功誕B，唔少網民都期待見到錢嘉樂一家再去探望「盈盈」、「樂樂」及一對龍鳳胎BB，更覺得可以為一對國寶BB舉辦百日宴，邀請錢嘉樂同湯盈盈出席，力推錢嘉樂、湯盈盈同BB熊貓上契，延續緣分。