蘇皓兒拍劇遭陸駿光追求　擇偶對象無年齡限制

藝人蘇皓兒(Chloe)於Viu原創劇《同居少女諸事卜》飾演「男仔頭」性格，不僅一反女神形象，更糾纏於陸駿光與鄧月平的曖昧三角關係，劇中她被陸駿光肉麻追求，除了長期對她單眼放電、送花，亦有大講肉麻說話，不過無論鏡頭前後，Chloe似乎不太受落，她說：「同佢嘅對手戲係好難忘，因為每一場佢都Chok到盡，長期對住我單眼，有場戲講我要去健身室同佢匯報公事，我講嘅對白係相對認真，但係對住佢好多時都忍唔到笑，唯有背對着鏡頭『焗蟹』，每次現場cut機之後，大家都爆笑，估唔到陸駿光平時啲戲咁認真，拍喜劇可以咁好笑。」

談到現實中可接受年紀較大的男士追求？Chloe表示：「我接受到年紀差距，我覺得愛情唔係睇外表或年紀，而係睇內在，所以兩個人嘅價值觀同相處夾到就OK。」對於劇集以占卜為主題，Chloe透露近年也有留意星座命理風水嘢，雖然本身不算太迷信，但當遇上生活有些事情改變不了，便會靠求神問卜令自己有寄托:「試過一次有啲不實報道，自己覺得好無聊，但又有啲唔開心，都有去拜神令自己好過啲。」