王敏奕重拾歌手身份登商演　自爆《法證VI》有激烈戲份

藝人王敏奕早前到澳門出席商演，首次獲邀到場的她坦言相當緊張，幸而一切順利，她謂：「事前都有好好準備，現場氣氛好好，我又做得好開心，都係一次好好嘅經驗，都想多啲試吓唔同嘅嘢，希望嚟緊會多啲機會啦！」

現時她有份主演的無綫劇集《法證先鋒VI:倖存者的救贖》正熱播中，今次戲份主要是跟男主角黃宗澤（Bosco）一起，是上一輯的延續，而她會牽涉其中一單懸疑案之中：「呢個係令Bosco喺套劇入面不斷搵出真相嘅其中一Part，我同佢嘅戲全部都喺日本拍，我哋喺森林拍攝，因為劇情講我遇難，所以都有啲激烈戲份，好耐未試過出埠拍劇，係開心嘅。」她又透露即將開拍新劇，故現時積極準備中，坦言新劇都令她相當期待。