陳山聰日本陪仔放暑假　自爆當街做「柱男」

視帝陳山聰早前拍完無綫劇集《廉政行動2024》後，便開始陪伴兒子Jaco放暑假，游水、去遊樂場再去日本旅行，相當開心。日前山聰帶同Jaco到遊樂場玩，正當兒子玩得興起之際，他竟然做「柱男」，攰到攬住轆柱攤抖，他又於社交平台PO相配文：「有冇床呀！」相當搞笑。

去到日本，他繼續做他的廿四孝老竇，又坦言以前一定爭分奪秒瘋狂行街shopping，但今時今日則選擇陪兒子玩車車，坐在按摩椅上的他更謂：「其實我覺得香港啲Playground應該效法一下，整番幾部按摩椅，等啲父母可以抖吓，休息吓！」