陳貝兒密密飛冇桃花 媽咪緊張:有冇識到中東酋長
2024年08月17日 14:32
東網電視
更多新聞短片
![](/hk/bkn/cnt/entertainment/20240817/photo/bkn-20240817143228364-0817_00862_001_01p.jpg?20240817143228)
藝人陳貝兒今日(17日)到尖沙咀出席活動,她透露終於有機會放假,所以報了一個旅遊團,將於10月帶同媽媽一起去敦煌旅行,表示過去都忙於工作,甚少陪伴媽媽,而媽媽又經常幫忙要周圍飛的自己打點香港一切事務,所以都想藉住今次旅行多謝媽媽,又言今次旅行會和其他團友一齊參與篝火晚會和駱駝等活動。
她又稱剛剛才回港,在過去的兩個月為拍攝節目《無窮之路4》共去了7個國家,笑言今次是拍得最辛苦的一年,不但行程遙遠,期間還要在沙特阿拉伯的高溫底下拍外景,差點中暑,不過最後都冇大礙。她又指出道了20年,飛過好多地方,認識到很多朋友,擴闊了社交圈子,但即使已經去過很多國家,陳貝兒仍然欠缺桃花運,提到人生伴侶,貝兒就表示隨緣,又謂媽媽經常關心自己的感情狀況:「佢成日問我中東有冇識到酋長啊,塞爾維亞有冇啱啊?不過都係做嘢,所以冇識到(媽媽介紹?)佢又冇,佢想我自己搵。」又指擇偶最重要是另一半能夠溝通得到,相處開心。
提到近日有報道曝光陳貝兒所住的豪宅,貝兒就笑言住屋最重要舒服,指房子已經住了一段時間,問到是否拍完4季《無窮之路》後賺到不少錢?她說:「我覺得賺咗好多飛行里數,錢就唔知,未計數。」至於問到手中有多少物業時,她就避談笑言:「等我諗吓先。」