保錡認同菊梓喬了解中 AK贈興:吓?每個男人都有招數
2024年08月17日 17:09
東網電視
更多新聞短片
![](/hk/bkn/cnt/entertainment/20240817/photo/bkn-20240817170941055-0817_00862_001_01p.jpg?20240817220945)
MIRROR成員江𤒹生(AK)和李駿傑(Jeremy)今日(17號)現身機場直播室,兩人表示中秋節前將推出團歌,緊接分組進行小組Project,AK將孖兩個成員以上錄新歌及拍MV,不過暫時未可透露名單,又指和12位團員默契好,所以分組相信一定夾。
談及身處機場,AK謂身邊的Jeremy正是旅行好腳,因為他夠細心:「我只要帶個人同Passport就可以起程,佢會帶晒所有嘢。」而Jeremy則言想和AK去旅行,因他是「外貌協會成員」:「有個靚仔陪都開心啲。」AK隨即透露想孖Jeremy去人生一定要去一次的南非旅行,甚至去拍節目《南美拍嘢Jeremy AK好嘢》:「除咗想睇動物大遷嘥外,想去亞馬遜呢啲熱帶雨林,最難係同公司度一個月假。(拍攝要兩個月就夠時間喎?)咁唔好咁貪,個半月啦。」而Jeremy都覺得度長假都難。
談及Jeremy的新歌《TOXIC!》點擊已逾百萬,他就謂多謝粉絲支持,AK亦謂有支持Jeremy,至於AK可有支持偶像郭富城?他則說尚未入紅館捧場:「但一定會同經理人去睇。(外界對城城的新造型好大回響喎?)我封鎖晒啲消息,冇睇任何報道,因為咁先睇到最真實嘅,正如之前睇陳卓賢演唱會都係咁,乜報道都唔睇。」
另外,吳保錡和菊梓喬傳緋聞,有人目睹保錡在女方家過夜,兩人表現訝齊「吓」了一聲,表示未聽聞,問兩人可會恭喜保錡?AK說:「如果係真再恭喜啦,每個男人都有招數,而佢細心,跑長跑就夠耐力,幽默有上進心,保錡係咪要請我食飯?」而保錡出席活動時,表示與菊梓喬了解中,更讚對方靚女。