譚嘉儀宣布開個唱　化身「禮物」施冧功答謝粉絲

歌手譚嘉儀剛慶祝完生日後，今日（17號）又有另一個好消息，宣布將於10月25及26日假演藝學院舉行一連兩場演唱會。譚嘉儀將自己打扮成禮物現身個唱記者會，為報答粉絲的支持，她獻唱新歌之餘，又餵粉絲飲糖水，大施冧功。

她表示：「兩年前喺麥花臣舉行過一場個唱，依家再開騷，心情好興奮，雖然個場地比上一次細啲，但連開兩場，仲可以同粉絲距離拉近啲，都算有進步，（聽聞預售反應好，可能加場？）未知呀，希望多啲人買飛捧場啦。」又說演唱會上主要以歌會友，多唱改編歌，問可有性感造型？她說：「要靚，唔係要暴露，因為我係歌手。」

雖然衣着上未必會好性感，但她揚言都要努力Keep Fit，因最近肥了2Kg以上，又謂：「之前去咗旅行又慶祝生日，食咗好多嘢。」問到可有邀請歌手好友擔任個唱嘉賓？她表示要由大會安排，但其姊妹團包括黃嘉雯、鄧伊婷等必定捧場，她說：「佢哋話要睇足兩場。」