張致恒獲地盤工友讚好　網民唔睇好：有冇問你借錢

藝人張致恒（Steven）早前考獲地盤平安卡後到地盤開工賺錢養家，近日他的工友於社交平台發文透露在開工時遇到張致恒，並晒出兩人的合照，工友大讚Steven勤力、冇架子：「相處共事過之後，只能夠講耳聽為虛、眼見為實、唔建議信晒網絡上嗰啲，畢竟人設係佢哋俾嘅，點樣寫都係佢哋決定嘅，都同佢講咗加油，俾心機，我問可唔可以合照佢係零拒絕，冇架子，冇脾氣的。真係見到佢係好俾心機做嘢，同事都係讚不絕口」。

貼文曝光後，網民對於Steven獲得工友力撐一事，反應兩極，有人更提醒工友小心與Steven有錢銀轇轕，「有冇問你借錢」、「你試吓借幾皮俾佢」、「唔知如果你係債主打唔打得出上面段嘢」、「希望你唔會成為下一個苦主」。不過也有網民認為Steven形象差並非他個人問題，是因為雯雯不時公開數臭老公而導致，「踩得佢最多嘅好似係佢老婆」、「佢老婆最煩」、「佢最頹係依家嘅人設係由佢老婆幫佢建立」。