張蘭直播仆低向新抱Mandy訴苦　網友狂嘲：又做大龍鳳

台灣女星徐熙媛（大S）嘅前奶奶張蘭，不時透過社交網同網友分享生活點滴嘅佢，更不時攞舊新抱大S同新新抱Mandy（馬筱梅）做比較之餘，亦成日晒佢同Mandy嘅好感情。而喺日前，如常開直播嘅張蘭，就因為喺停車場度掛住同工作人員對話，未注意到台階繼而仆倒，只見坐喺地下度休息咗陣嘅佢，最後由工作人員攙扶上車。

事後，張蘭亦喺直播中提起傷勢，表示自己膝蓋受傷「腿都腫了」，期間新抱Mandy亦致電關心傷勢，只見張蘭更藉機向Mandy哭訴，並抱怨兒仔汪小菲冇關心佢。隨着片段曝光，亦引嚟唔少網友嘲張蘭「遭報應」：「故意一摔博同情的，她粉絲們心疼這麼大年紀還這麼拚命！」、「這位女士又是演得哪一齣戲呀？」