宣萱戴皇冠　獲《巨塔》劇組慶生

今日（18日）是藝人宣萱的生日，正在拍攝無綫劇《巨塔之后》的她，獲劇集台前幕後為她慶生，當中包括陳楨怡、蔣家旻、邢慧敏及張頴康等，場面熱鬧，壽星女頭戴皇冠裝飾，獲送上多束鮮花及巨型生日蛋糕，氹得她笑逐顏開，無綫將相片放上官網，不少工作人員也有留言送祝福，網民稱讚宣萱凍齡有術，多年來身材及樣貌變化不大，並期待她的作品早日播出。

陳楨怡透露今次是首度跟宣萱合作，很開心及榮幸可以參與拍攝：「大家都好好，所有前輩都好肯教，喺佢哋身上學到好多嘢，Jessica（宣萱）好似一個大姐姐，我哋劇組所有人都叫佢姐姐，佢好Nice好照顧人，同佢拍嘅時候好舒服，有咩問題、唔明都可以問佢，佢都好解答，好warm，佢真係好似姐姐咁照顧每一個演員，成個劇組嘅氛圍都好好。」

跟宣萱有不少對手戲的蔣家旻亦大讚宣萱：「我同佢第一次合作，佢性格超友善，EQ又高又專業，我好鍾意佢。」她透露佛山景快將煞科，之後便會返香港及到布拉格取景，令她大感期待，而她已計劃拍畢劇集翌日就會跟男友旅行，放鬆一下。

另外，向來寵粉的宣萱昨晚由佛山返港，出席今日在港舉行的粉絲聚會一齊慶生，席間宣萱一度感動落淚，她參加完聚會後又匆匆返回佛山繼續拍劇。