袁偉豪出動私伙古董車當道具 傅嘉莉:令我好放心咁演
2024年08月18日 20:22
東網電視
更多新聞短片
![](/hk/bkn/cnt/entertainment/20240818/photo/bkn-20240818202215192-0818_00862_001_01p.jpg?20240818203605)
藝人袁偉豪(Ben)與傅嘉莉(Kelly)於無綫熱播劇《法證先鋒VI:倖存者的救贖》內大演對手戲,日前播出一幕Kelly「車廂崩潰戲」成網民熱話,原來當時充任「車手」的Ben,出動私伙古董舊車當道具:「上一集輯我揸嘅車都係自己嘅,但去到呢輯開工,太太懷孕我就換車嘞,咪揸呢㗎囉。可以建立角色人切,達到畫面效果,都係一件幾正嘅事,咁劇組都有畀番租車錢我嘅。」
Ben表示由於Kelly所有情緒戲自己都在旁,所以角色要充當聆聽者:「同埋我本身都要令對手盡情發揮到自己想發揮嘅。(嚟緊會交代你哋有感情瓜葛?)作為一個男人,或多或少都會被佢美貌動搖,角色情況的而且確令我有少少思想上嘅混亂,諗唔清楚到底係一件咩事。好兄弟死咗我接收照顧佢屋企,『朋友妻咪走雞』都可能係人之常情,我哋只可以盡量演繹人性道德嘅選擇。」
Kelly對於崩潰戲演出獲讚,即坦言:「真係好多謝阿Ben嘅協助,試過因為人聲嘈雜而影響拍攝,佢即刻揸架車上公路,令我可以好放心咁演繹。(由頭再喊過?)係,不過嗰吓都全心投入,同埋想一Take過OK。如果唔係阿Ben揸緊車,我真係想再放盡啲,但驚有危險。」
談到有指今次出現「新人搶主角鏡」的情況,Ben坦言不認同:「新人當然需要多啲機會去磨練,有新人亦都會有前輩,呢個係循環不息嘅。」Kelly則指本輯加入很多新元素,作出大膽的嘗試,引起大家議論,證明劇集獲得大家的關注。