王心凌特訓香汗淋漓粉絲嗌香　籌備巡唱身體響警號

台灣「甜心教主」王心凌早前宣布嚟緊10月就會大舉世界巡演2.0，去年先啱啱完咗一個巡演，今次佢應該都會出盡力表演，不過開騷前佢先嚟自主訓練，素顏自拍自爆挑戰體能，認真Fit爆。佢身穿灰色無袖上衣喺gym room自拍，運動後佢香汗淋漓，件衫都已經操到濕透，不過皮膚狀況仲係超好，一啲瑕疵都冇，令網友狂嗌羨慕，更有網友留言「汗水都是香香的」。

不過剛返台灣休息嘅王心凌，就被見到喺籌備演唱會嘅高強度壓力下，身體都開始響起警號，被見到出現台灣女星陳怡蓉老公薛博仁擔任集團創辦人嘅健康管理診所，當中治療項目就包括睡眠失眠管理、疲勞修復、免疫系統管理等，令人擔心天后身體有咩事，仲一留就近3個鐘，之後王心凌先離開，再由經理人開車接去參加聚會。