保錡戀菊梓喬惹罵戰　本尊爆Seed：要同你交代？

ERROR成員吳保錡與菊梓喬（Hana）戀情公開後，不少人都不甚看好，昨晚保錡於社交網更與網民隔空罵戰，有網民留言:「咁你到底食咗Hana未先？」他回覆對方：「請支持Error新歌！無敵聖衣」，期間有保錡的自己友留言：「關你叉事咩，使唔使同你報告呀！」保錡又表示：「佢真係假acc嚟，係好奇點解咁緊張姐！睇吓會唔會對佢生活有咩影響。」跟住又tag那個網民謂：「大家咁話啦！真假要同你交代？」

此外，亦有網民將他跟菊梓喬前緋聞男友吳卓羲相比，有多位網民分別於保錡的POST留言區表示:「吳唱K靚仔好多」、「無論樣貌、星味、成就抑或名氣，都差幾班。」保錡即被激發留言：「佢靚唔靚仔關我咩事呀！」

至於Hana亦懶理戀情曝光，於社交網晒出最新硬照，有網民即在其貼文下留言，質問為何與保錡拍拖，但她未有理會。