李璧琦谷胸上陣拍MV　自爆曾受情傷難抽離

歌手李璧琦（Becky）將推出今年第二首派台歌曲《鬥醒 Be awakened》，在MV中她以多個低胸造型上陣，並將顏料塗滿身上，相當大膽破格。

新歌是璧琦過往的感情生活投射，她直言好多時候情侶之間的爭拗，都是基於一個好勝的心態，「但相反我會諗，與其要喺口舌上贏對方，點解唔鬥快去清醒自己，將事情解決呢？當有合適的對手，我哋可以拼珍惜，拼脆弱，拼實力，拼愛情，拼認輸。我哋可以搵一個可以互相扶持、挑釁、激發、建立嘅競爭對手，喺連場感情中以清醒取勝，或者愈鬥愈清醒，直至睇清我哋所需要嘅愛情！」

Becky坦言自己在愛情上也曾碰壁，她說：「我曾經有一段感情，對方的確係才華橫溢，但佢同時亦渴望我能夠被征服。所以相處就越嚟越似權力鬥爭互相消耗，最終因謊話背叛被揭發而分手。因為愈深愛反而愈破碎同刺骨，去到最後直程懷疑自己嘅價值同埋忟憎點解會咁盲目! 」