英皇樂隊SULIS勇闖樂壇 恨同大師姐容祖兒合作
2024年08月20日 20:01
東網電視
更多新聞短片
![](/hk/bkn/cnt/entertainment/20240820/photo/bkn-20240820200157995-0820_00862_001_01p.jpg?20240820200157)
英皇新進樂隊「SULIS」今年勇闖樂壇,早前推出新歌《The Sulis Club》,日前4子接受專訪時,結他手朱啟軒(Roy)、低音結他手范文浩(Logout)及鼓手郭凌峰(Nathan)齊聲表示因欣賞主唱兼結他手冼彥龍(Jonathan)的作品,得知他有意召募成員而自薦,結果一拍即合而組成樂隊,Logout說:「我哋嘅概念一致,都係想做多啲騷,將自己音樂分享給樂迷,不過接騷前,就要推出多啲歌先,6月時出過一首,手頭上都仲有好多作品,不過幾時面世就由公司安排。」
Jonathan坦言當初「應徵者」不多,全因:「認真做音樂嘅人真係唔多,要啱傾又要有緣分,遇見佢哋係好幸運。」Logout亦有信心做隊最少爭執的樂隊,皆因各成員都不是20多歲的年輕人,思想較成熟,況且能坦誠相對,不會有隔夜仇。Roy亦言雖然創作上亦有各持已見的時候,但溝通後互相尊重。
俗言有謂「Band仔多數窮」,Roy不諱言已做足心理準備跟隊友一齊捱,Logout指Jonathan是隊中的「伙頭將軍」,經常到他家食其親自下廚的牛扒,可慳回不少飯錢,兼且各成員從事有關音樂的正職,所以生活不成問題:「夾Band係為理想,但理想同賺錢可以同步進行,我哋日頭就做幕後嘢,收工就圍埋夾Band玩4個鐘,不過我哋係用電腦同樂器做歌,做好自己個Part就Send畀隊友,好似傳紙仔咁樣。」
至於英皇今年一口氣力捧4隊樂隊,問到「SULIS」如何爭取資源?Logout謂交由公司安排,各成員只需做好本分:「其實4隊Band風格唔同,各有特色,我哋就重節奏感啲,同其他3隊Band嘅成員都相熟,覺得彼此間可以起互相推動的作用。」4子又謂能加入英皇大家庭,感覺相當夢幻,笑言:「公司有好多位都係我哋兒時偶像,師兄師姐啲歌陪住我哋成長,如果有機會同大師姐容祖兒夾吓Band,或者做到啲作品畀佢,就真係人生嘅成就解鎖。」