湯怡疑遲到「累街坊」航班險Delay　本尊：我準時到閘口

藝人湯怡日前偕老公麥秋成及女兒自日本度假完返港，有讀者爆料稱在飛返香港的航班中，疑因湯怡一家人遲到，令其他乘客久等外，更險些令航班延誤。湯怡接受東網訪問時否認「累街坊」，自問最憎遲到，更澄清當日的情況是和老公及囡囡準時到達登機閘口，因同機乘客眾多，為免長時間抱住囡囡排長龍，寧等其他乘客先上機，自己一家排龍尾，她謂：「班機冇Delay，（被誤會可會嬲？）唔緊要啦，做呢行就喺咁，真係要靠傳媒幫我澄清。」而麥秋成和太太口徑一致，更指非是最後登機的乘客，他說：「排我哋後面係日本旅客，唔信可以向航空公司核實。」

湯怡表示此次日本之行相當難忘，因之前日本發出大地震預警，令她整個行程中都心慌慌：「咪話唔驚，我帶住個女，最怕係遇上餘震，我哋去完大阪，再去咗京都同名古屋，仲有日去海邊玩，所以即刻上網睇定如果發生地震或海潚要點樣做，但我老公好老定，覺得都乜都隨遇而安。」