雲浩影激罕派有味福利　神秘腳板底終極曝光

作為藝人，除了要做好演出唱好歌外，亦要用心經營自己的社交網，方便跟粉絲互動，分享生活日常、晒長腿派福利，各出奇謀冧粉絲。歌手雲浩影（Cloud）人靚聲甜又唱得，卻難得不顧偶包時常放笑彈，深受粉絲喜愛，她日前更罕有在社交網晒相派福利，寫道：「瞓多啲心情會好啲唷。」

相中的她最初雙手托頭、盤膝坐於梳化上，身後一片綠悠悠的草地及柔和陽光，可謂靚到發光，之後她便開始派福利，大晒白滑…腳板底！坐於梳化上的她，面向鏡頭右腳一伸，使出一招「天殘腳」，又留言呼籲大家：「唔好吱我腳板底Thanks！」

粉絲們難得見偶像派福利，當然要踴躍留言：「您應該係第一個artist 喺社交平台show 腳板底」、「小姐 39號鞋啱唔啱」、「邊有人咁矛會出腳」、「根據（腳）掌紋 運勢好好」、「赤腳行石春路練歌，會行氣活血」、「呢個post 有陣味⋯⋯」、「隔住個芒都聞到陣腳臭味」，十分爆笑。