湯洛雯孖老公行街晒蜜照　馬國明再現招牌天然呆

藝人湯洛雯（靚湯）自從跟視帝馬國明結婚後，不時都會公開放閃晒恩愛，認真羨煞旁人！今日（21日）湯洛雯於社交網晒出多張甜蜜合照，相中兩人打扮休閒，靚湯穿着粉紅色外套搭配白色長褲，對鏡頭大擺Pose，擺出勝利手勢之餘，還對住老公馬國明嘟嘴錫錫，每張合照都不同姿勢，相當有活力。相反馬國明則全程維持同一姿勢，面帶微笑注視着鏡頭，讓靚湯忍不住笑說：「點解可以完全冇郁過，我是瘋狂粉絲嗎？」，而馬國明在貼文留言表示：「因為諗唔到第2個表情……」，不少網民見此都笑指馬國明是「天然呆」，又話兩人好Sweet。