蔡依林演唱會破例Encore　勁生疏後台尷尬片流出

台灣天后蔡依林（Jolin）出道至今唱過唔少膾炙人口嘅經典金曲，百變風格更係圈粉無數。而近期喺內地各大城市展開巡唱嘅佢，日前終於迎來連續5年巡演嘅最後一站，向來寵粉嘅佢亦打破唔唱Encore嘅規則，然而時隔11年再度Encore嘅佢，同時亦難得表現尷尬，隨着花絮曝光，亦笑倒一眾粉絲。

只見喺舞台下方被工作人員及舞者包圍嘅蔡依林，聽住出面粉絲熱情嘅安可聲，Jolin既開心又緊張，始終11年未試Encore環節有點陌生。最終，在出場與唔出場之間表現出尷尬並忍不住笑了出來，直言：「生疏的安可（Encore），是我造成的沒錯。」引嚟唔少粉絲搞笑留言道：「第一次安可肯定生疏呀！哈哈哈！」、「好可愛！」