魏浚笙鍾意玩公仔　男神變大細路

香港人生活壓力大，減壓方法人人不同，男神魏浚笙(Jeffrey)就靠夾公仔發洩，相當有趣。日前Jeffrey到東京工作，完成工作後留低放假休息，就開始每日蒲夾公仔機，原來團隊中的工作人員全部是夾公仔「高手」，知道方法竅門，故新手如Jeffrey，經指導下都可以好輕易就成功夾到寶物，過程自療又很有成功感，他笑言擁有新手光環，當夾到心頭好，感覺特別興奮，此行收穫豐富，共夾了近廿個毛公仔，但就未有透露花費了多少錢。Jeffrey抱着公仔時，成個大細路，散發童真一面，不過要將所有公仔都帶回港，行李超重認真大挑戰。