安心亞擔任選秀節目導師　借機自肥：嗌姐姐

台灣性感女星安心亞，有着火辣身材嘅佢，不時透過社交網賣大包派福利，加上直率幽默性格，更係圈粉無數。而近日受邀擔任選秀節目《原子少年2》流星導師嘅佢，亦分享道自己被少女們嘅表現驚嘆不已，並認為選手雖然冇太多正式嘅演出經驗，但舞台表演依然優秀亮眼嘅，令佢大讚未來可期。

而錄影期間選手紛紛使出看家本領奪佳績外，向來注意細節嘅安心亞，仲臨場加碼考「低音考核」，要求選手輪流用低音對自己講：「姐姐，拍戲辛苦了。」雖然少年選手嘅聲線相當有魅力，但亦難免令人懷疑佢借導師身份自肥，場面認真搞笑。