阿Mo手臂感覺康復近10成　深夜Post跳舞片向So Ching示愛

男團MIRROR前年7月在演唱會期間發生嚴重意外，懸掛半空的巨型屏幕突然墮下並擊中舞者李啟言（阿Mo），他至今仍需留院接受治療。上星期（17日）Mo父李盛林就提到阿Mo左右上胸、手前後臂感覺已經回復80至100%，手指方面亦開始有麻痹感覺。隨治療效果日漸有成效，阿Mo都開始玩吓電話，重抬生活興趣。尋日（22日）佢就喺深夜時分，於個人社交平台再次更新，喺限時動態中repost兩條佢之前嘅舞蹈室跳舞片，其中一條更係同女友蘇芷晴（So Ching）一齊跳舞，即被視為係向So Ching示愛嘅表現。而So Ching亦轉發跳舞片，留言：「Miss this.」回應男友。

雖然阿Mo只係repost，未有留下任何訊息，不過都已經令到唔少網民同支持者Surprise，好希望可以見到佢繼續更新，畀大家了解到佢更多嘅康復狀態。