薛凱琪忽晒恐怖血痕照　玉手花晒網民送祝福

歌手薛凱琪被網民封為「香港最後一個少女」，大讚佢嘅不老童顏，未有被Baby face耽誤嘅佢，愛挑戰新嘗試，尋日（22日）佢就上載咗自己玉手滿布恐怖血痕嘅相，又以英文留言：「5:34am，剛下班，躺在床上。每天學習新事物。」見佢手臂上有一條條血痕，似被抓傷或勒傷，雖然未見出血，但玉手已經花晒。唔少網民都即刻送上早日康復嘅祝福，而曾在喺電影《早熟》飾演薛凱琪媽媽嘅余安安都嗌心痛，留言：「Aiyo!!!（哎喲）」並附上錫錫emoji呵番「阿女」。

佢又乘機自勵自勉，留下雞湯發言，指所有傷都會好番：「生活從來沒有承諾過會很容易，但我們可以向自己保證，我們可以度過所有的磨難，讓它變得美麗，今天工作中留下了一點傷痕，但沒關係，因為這意味着我的心是溫暖的，所有的傷害都可以按時間治愈。」