阮嘉敏解放有料身材　貼身婚紗谷出心形胸

無綫劇集《法證先鋒VI：倖存者的救贖》現正熱播，不過有劇迷就質疑配角戲份多過主角，其中飾演執法人員「王靜」的阮嘉敏（Mandy）更慘被批是「冷面神」，對此Mandy就表示會接受網民意見，她說：「其實網民們都OK，我覆番佢哋留言，佢哋都好Nice，接受多啲意見對我都好，咁先會進步嘛！」

日前她晒出一輯型格婚照，身材嬌小玲瓏的她，原來是有料之人！貼身婚紗谷出心形胸，靚到網民嘩嘩聲，有人開心表示「王靜頓時回復美麗真面貌」。Mandy雖然並非第一次着婚紗，但平日做主持和拍劇都好少有機會着婚紗，而今次拍攝亦是突然發生，她表示：「我有個攝影師朋友本來第二日Book咗個Studio要幫客人影相，點知客人臨時話唔得，跟住佢喺Group講，我就話咁唔好嘥咗個場，然後化妝師就搵咗呢條超級靚裙，條裙咁窄，夜晚唔敢食飯瘦身半晚，第二日就快閃影咗。」而Mandy對自己的身材仍未感滿意，表示會努力做健身，希望擁有迷人線條，目標要練出馬甲線！