陳凱琳一家五口去完旅行　大吐苦水：冇人願意同我打卡

藝人陳凱琳今晚（23日）出席活動，她透露早前跟老公鄭嘉穎帶同3個囝囝齊齊遊泰國：「去咗5日4夜，尋晚先返嚟，好開心，第一次一家五口去旅行，唔算吃力。」不過她隨即大吐苦水，笑指他們幾仔爺掛住玩，沒有人願意「坐定定」跟她打卡拍照，又指今次旅程是送給老公的生日禮物：「本身自己怕曬黑，不過我知老公鍾意陽光與海灘，其實我哋拍拖嗰陣都有去過布吉。」提到有粉絲於機場及當地捕獲他們要求合照，當中見鄭嘉穎披上毛巾在池邊跟粉絲合照，她説：「其實我哋唔介意，只要過嚟打個招呼就冇問題，唔好偷拍就得，我都有叫老公不如着番件衫先影，佢話冇問題。」

提到他們早前出席無綫監製王心慰榮休宴，事後有份出席的唐詩詠只放出跟嘉穎合照，令網民質疑是刻意裁走陳凱琳，她指只是「看者有意」，自己覺得沒有問題，又指當晚有份出席的賴慰玲跟她透露再度懷孕，結果跟對方整晚傾過不停。