Edan遭黑圖攻陷被嚇親　認臉皮鬆急做面膜補鑊

人氣男團MIRROR成員呂爵安（Edan），日前與隊員邱士縉（Stanley）互放「黑圖」攻擊，令粉絲們大吃花生拍手叫好。經過黑圖瘋狂洗禮，呂爵安終於醒覺，有感而發表示：「經過大家早兩日嘅黑圖大戰，我發現咗一樣嘢。原來我唔係面皮厚，我係面皮鬆。我都有被自己震驚到，唔通我老咗就係咁嘅樣？原來跳緊舞嘅我塊面會變形。唔怪得大家都話我難影。」有見及此，他連忙敷面膜做最後補救，仲話：「唔好講咁多，即刻敷番塊Mask先。」

對於黑圖PO，不少圈中好友都瘋狂畀like和留言。其中阿正話：「呢個先係我認識嘅你」，Edan回應：「我唔認識你」。有幕後工作人員朋友問 ：「你最近還好嗎？係咪多黑圖到short咗？」Edan答：「high咗」。黃奕晨則留言：「同平時有咩唔同？」Edan說：「呢條係一條好好嘅問題」Stanley都話：「已經無嘢傷害到你了。」另外，他又分享了蒸蟹的相片，又慨嘆自己失憶連刷咗牙未都唔記得。