周慧敏自揭減肥方法　原來全靠食呢樣嘢...

藝人周慧敏（Vivian）本月底將舉行巡唱，日前她抽空接受網台節目《絲打圍爐》訪問，當主持唐詩詠想看她手袋裏有甚麼法寶時，Vivian即大方打開，沒想到裏面竟藏有兩件「瑞士卷」蛋糕！Vivian笑稱是她的減肥餐：「全日都唔食嘢，起身之後食兩件，下午兩件，帶多兩件喺身，餓個陣就食，每日6件左右啦。」

看來Vivian為能以最佳狀態示人，相當落力，不過她自爆其實還是會偷食零食，並非每日都食「減肥餐」，又言她多年來開騷時都會以這種方式減肥：「咖啡卷對我來講，係減肥最有速度，已經瘦咗4磅，不過我係刮咗啲Cream先食。」

談到近來忙於排歌練舞，生活非常忙碌，凡事都愛親力親為的Vivian，連睡眠時間也少了很多。她笑指老公已經習慣自己的強迫症的性格，所以她忙於籌備演唱會時，老公也十分體諒她，「佢知我習慣用咩牌子嘅嘢，例如我鍾意飲某一個地方出產嘅可樂，佢會偷偷買好多，然後收埋先，但我唔知佢收藏喺邊，總之屋企存貨差不多喝完，佢就會補充。」