衛詩雅帶父母為婚宴試菜　被爸爸爆性格「難頂」

藝人衛詩雅（Michelle）明年將下嫁圈外男友，最近正積極籌備婚禮，早前她更跟父母到一間擁有70年歷史的傳統中式酒樓試菜。對於女兒出嫁，衛媽媽坦言不捨兼哽咽起來，而衛爸爸則感恩女兒終於嫁得出：「我個女真係幾難忍受㗎！」

試菜當日，Michelle父母給準女婿打分，衛父表示會俾80分，衛母則大讃未來女婿十分尊重老人家，表示他好多聚會都有出現，Michelle聞言笑說沒有迫未婚夫出席家庭聚會，反而是對方主動報名。此時衛父竟打趣指女兒「難頂」：「呢個男仔頂得到佢都OK㗎啦，哈哈！個女似我成日火爆，有乜嘢唔啱就講晒出嚟。」Michelle即接口：「我性格似爸爸多啲，而媽咪就好醒目，佢係一個好聰明嘅女人，知道乜嘢時候做啲乜嘢，好圓滑。」

談到女兒即將「離家」，衛父就表示相當開心：「等呢日都唔知等咗幾耐，希望佢老公俾我更加錫佢、俾多啲幸福佢，咁就已經夠㗎啦。」衛母則坦言有些不捨，Michelle也忍不住攬着媽媽安慰說：「放心，你哋依家唔係冇咗個女，係多咗個仔，着數、着數！」