戴祖儀怒轟睇騷被保安推胸　親揭受辱過程求安慰

無綫小花戴祖儀尋晚（24日）忽然上載求安慰文，自揭睇韓國人氣女團(G)I-DLE騷時被保安胸襲，令佢滿腔委屈！戴祖儀指自己尋晚興奮睇騷，因為佢拎咗相機去現場，所以佢就要同朋友分開入場，佢自己去寄存相機，後再排隊入場。佢公開受辱過程：「……到我入去嘅時候 個保安突然之間閂門 然後猛然推我出去 仲要推落我個胸到 推咗我出去…」佢續指雖然對方係女保安，不過佢都覺得好唔舒服，舉動亦令佢好不快，因此要公開事件，求網友可以安慰吓佢。