AKIRA愛得高調唔怕老婆　即興模仿林志玲

台灣名模林志玲嘅日籍老公AKIRA（黑澤良平），最近出演內地綜藝真人騷《披荊斬棘》第4季，一舉一動備受關注嘅佢，日前終於迎來第2次公演，並將與李克勤、秦昊組隊演唱周杰倫嘅《蘭亭序》，雖然AKIRA表示未聽過，但貼心隊友秦昊就為佢特地翻出林志玲2011年，喺春晚演唱《蘭亭序》嘅片段，嚇到AKIRA差啲噴湯。

只見2011年周杰倫喺春晚舞台上演唱《蘭亭序》，唱到下段副歌時，林志玲更從布幕中驚喜現身，並為觀眾帶來精彩又優美嘅彩帶舞，為整場演出錦上添花，不過望住老婆踐彩帶舞嘅AKIRA表情就相當微妙，甚至仲即場模仿林志玲招牌「蘭花手」，可愛反應引嚟唔少網友留言道：「好可愛的姐夫！」、「不得不說老黑有點可愛！」、「舞蹈功底是真強，看一眼就模仿出精髓了！」、「模仿老婆的經典動作，愛意滿滿又逗趣。」、「再次驗證怪不得選他！」