Ed Sheeran開騷「雷神」基斯漢斯禾夫驚喜現身打鼓

憑「雷神」走紅的澳洲男星基斯漢斯禾夫（Chris Hemsworth）玩鎚仔就見得多，原來他也是打鼓高手。英國天王Ed Sheeran於羅馬尼亞舉行名為《+–=÷× Tour》的巡唱，而他的好友基斯亦有現身，不過他並非到來睇騷而是任「表演嘉賓」為他打鼓。

基斯的表演片段收錄在他下年推出的國家地理頻道片集《挑戰極限》（Limitless With Chris Hemsworth）第2季入面。完騷後，Ed與基斯各自都有在社交網站分享片段，Ed解釋與基斯合作由來：「基本上係基斯去年12月發電郵畀我，話佢正在製作一部關於認知健康同學習樂器有好處嘅紀錄片。於是佢過嚟探我，而佢就開始學打鼓，之後就上台喺7萬名人士面前表演。」