關嘉敏生日大派福利　預告有勁嘢益粉絲

藝人關嘉敏（Carman）趁8月24日30歲生日大派福利圖，穿上綠色比堅尼影泳裝照，豐胸，美臀及長腿全奉獻，留言祝福自己：「好日！關嘉敏生日快樂！祝我繼續開心快樂！繼續過得充實、繼續解鎖，解鎖、再解鎖。」而她在社交網上載捧蛋糕相，而身後更出現神秘男，不過她為免外界誤會，自揭對方身份：「髮型師伯伯。」

Carman接受訪問時，對於告別2字頭，踏入3字頭新人生階段謂：「我覺得30歲前嘅呢一年做咗好多嘢，其實一直就有個願望，就係30歲前多啲朋友認識我，點知真係夢想成真，我玩咗個好好玩扮嘢比賽，解鎖咗新技能，拍咗好多唔同嘅劇集，日日Keep住忙，呢年都過得好充實。」

她又謂為迎接30歲，將長度達胸骨的頭髮剪短到膊頭位，是她入行以來最短頭髮的一次：「換個新髮型，對我嚟講係好大挑戰，不過我好樂於接受改變，同埋我都好鍾意自己短頭髮。」至於今年定下的新目標就是推出第一首個人單曲，她說：「勁呀，出道8年，籌備梗自己首歌，都幾突破，希望趕得切9月尾推出啦。」