邓凯文为减肥食泻药　王嘉慧着羽绒做运动　

前港姐梁丽翘最近邀请师妹邓凯文（Eris）、王嘉慧（Cathy）及麦诗晴（Ceci）接受其频道访问，分享选美时的减肥血泪史。

Eris透露当年参选前进行地狱式减肥，花了3个月减掉20多磅：“我个方法系好极端，真系完全唔食嘢，唔食任何淀粉质，如果好肚饿，我会食鸡胸，同埋会做运动，但都做唔到太多，因为冇咁多力。”

Ceci自爆当年第一轮港姐面试，被评判点名一定要减肥：“我当年减肥都系完全唔食淀粉质，我连肉都唔食，最后我系食埋泻药，系好唔健康，因为评判叫我减肥，我梗系尽力去减。”但她却减过火，更被记者取名为“肋骨胸”。Eris闻言补充：“我当年都有食泻药，减肥茶之类。（如果第二日做嘢点算？）我计好晒时间。”

Ceci自认减肥年资长，10岁起便开始减肥，因为小时候练芭蕾舞，被老师嫌肥:“老师话你唔减，唔会有好成绩，我一直减到大学，一直唔食淀粉质，或者妈咪会限住个份量。后来读大学就食过龙，到参选港姐又减过。”她称入行后就改变减肥模式：“我依家会食淀粉质同肉，因为之前减到个人唔开心同会晕，面色又唔好。”

至于Cathy称人生最瘦并非参选港姐时，而是在英国读书时：“初时去到英国暴食，之后开始有羞耻心，我试过一日食一个苹果，最疯狂系做运动，一边开暖炉，着住羽绒衫做有氧运动，做到差啲晕。”现时她会少食淀粉质保持身材，但却怎样也戒不掉甜品。