黃宗澤幫新人紓壓　張繼聰難忘浸桑拿戲浸足6粒鐘

藝人張繼聰與黃宗澤（Bosco）合作拍攝英皇新片《紮職3》，日前接受HOY訪問，暢談拍攝點滴。阿聰表示：「我嘅角色係全新嘅，因為妹妹有病等錢使，所以挪用公款，做咗啲社團不容許嘅行為。我是負責生事嗰位，每次都行差踏錯，故事5分鐘就完。」Bosco就笑着接口：「又未致於全因為你，陳家樂都有引起嘅。」

談到角色性格與現實生活中是否相像，阿聰回應：「最似都係將家人放喺首位囉。」Bosco則說：「我哋拍戲，依家已經算係半個前輩，會遇到唔少新人，有時新人對拍攝環境或過程比較陌生，扶扶佢囉，等佢冇咁緊張，大家可以早啲收工。」

阿聰直言最難忘是浸桑拿的戲份：「我哋足足浸咗6個鐘，每次拍呢啲戲份會覺得好似火鍋裏嘅菜，沉底冇人理呀。」Bosco也說：「拍戲睇落去好舒服，就算你坐按摩椅都是扮舒服，因為現場收音不能夠真按摩㗎。」