胡美貽自爆邊行邊除衫　一早睇晒廖慧儀全相

藝人何泳芍（Honey）、陳若思（Amber）、胡美貽（Nicole）及廖慧儀（Jessica）齊宣傳即將播出的無綫真人騷《港女野人奇異記》，Nicole則說新一季更能凸顯出各人性格特質，不過她再沒有帶酒上山，因為身上的行李已超磅，她說：「天氣溫差好大，朝早係11度要着5件褸，但下晝就30幾度，熱到除淨個Bra Top，因為唔想孭太多行李，所以我啲衫褲鞋襪都係邊除邊掉。」

Jessica又說其中一個行程要早上同海豚游水，之後再潛水，所以和Amber專程先考潛水牌，游水機會不多，泳衣只帶了兩套。有謂欠睇頭？Nicole指上一季早已看過3人的全相，因全程共處一室，個個身材都好。4女又謂今次拍攝完全豁出去，大部分時間都素顏上陣，感覺比化了妝更正。問可擔心零化妝會趕客？Nicole謂：「唔會，依家啲觀眾先鍾意睇最真實一面。」