港姐︱「城大李嘉欣」倪樂琳狀態大勇　被黃嘉雯睇好

應屆候選港姐今日（26日）出席宣傳活動，（2）「城大李嘉欣」倪樂琳獲師姐黃嘉雯看好，她對此表示：「好開心，平時都有留意師姐，今日見到佢真人，仲畀佢點名，好似發夢咁。（佢讚你狀態好。）狀態OK，但有時太凍或者太攰，個人就會比較呆滯，冇咁精靈。」她又指可能最近多了睡眠時間，所以皮膚也變好，自爆之前工作完返家會顧着玩手機不願睡，現時回家就倒頭大睡，所以多了休息時間。

另外，（8）盧凱怡的狀態也愈來愈好，她指無綫有很多人幫她們：「希望每次出場都盡量做到最好同享受。（你完全冇倦容？）因為好興奮，而且大家喺幕後好多趣事，一班女仔會打打鬧鬧，好好玩。」問到若要投票友誼小姐，倪樂琳與盧凱怡直言未想好，但承坦跟一齊出外景的佳麗最老友。