16年回憶返晒嚟！容祖兒唱尾場因為呢首Medley感動落淚

天后容祖兒近日於澳門舉行演唱會，昨晚（25日）迎來尾場，她大感不捨，眼見觀眾睇得興奮，她感動落淚。祖兒特意選唱年前Starlight演唱會的Medley作總結，並說：「因為呢個係我事業上一個轉捩點啦，我已經好多年冇喺舞台上喊，尋晚唱番呢首medley，個腦不停飄咗好多16年間嘅片段出嚟，好多回憶狂彈出來之下，就突然落淚。喊咗我反而開心，原來自己係冇麻木㗎。」

祖兒亦預告明年底會於香港搞演唱會，年初則會加碼先在澳門開唱，搞到歌迷超興奮。昨晚完騷後她便拉隊慶功：「我同成班手足，就去食火鍋慶功，之後再意猷未盡，去咗卡拉ok，同班Dancer再玩。呢兩個月佢哋成日陪住我啦，完咗騷又要下次再見啦。真係會好掛住佢哋。」問到她緊接工作安排時，她坦言：「我會忙錄新唱片囉。我姪女好搞笑，我教佢姑媽首《桃色冒險》叫「唔識換片。」點知佢尋晚問我，係咪有得聽「唔識換片」呀？笑死我。」