梁諾妍晨跑要同陽光玩遊戲：冇咗半條生命Bar

洪永城太太梁諾妍（Inez）在工作、照顧女兒和與熱愛跑步上一直努力保持平衡。為照顧女兒和工作，惟有晨早出發跑步，但往往變化趕不上計劃，結果是曬到燶，要「急救」肌膚。

她在社交網分享生活日常：「照顧囡囡同工作同跑步，都一直努力manage中，今朝諗住plan好一早7點朝活嚟個120min LSD，6點Sirface唔知係咪發噩夢係咁叫媽咪，陪佢瞓返安撫完已經8點，8點其實太陽已經出來了，但係今朝唔跑，就之後同明早冇時間跑，唔理啦出咗門口就當贏，目標都係120min嘅，開跑已經31度好似冇咗半條生命bar咁。」

在酷熱下Inez未能完成定下來的兩小時跑步，她說：「畀個太陽打低咗，100min已經係盡晒力，下次真係唔敢8點後開跑，依家努力敷返啲蘆薈補濕mask降返溫先，然後繼續湊女。」此外，她又分享女兒「Sir Face」為家人肉緊慶生相：「點解Sirface個許願樣可以咁好笑，究竟係急屎定係食咗酸梅？」