炎明熹于TVB官网“被消失”　触发离巢疑云

因离巢风波而遭无綫雪藏的“乐坛小天后”炎明熹（Gigi），早前双方一直就合约条款拉锯，更有绝密内容曝光指Gigi要求准时出粮等，亦有传若佢决心离开娘家，起码要挨多逾一年“雪藏期”。虽然依家双方都未有公布续约事宜，不过有网友就留意到，TVB网页艺人板块有变动，当中就增加咗签约歌手部分，炎明熹个名就“被消失”，似乎有倾唔掂数之疑。

于艺人板块可见，与炎明熹同期嘅大批《声梦传奇》歌手都有得留低，炎明熹身在嘅女团After Class成员姚焯菲（Chantel）、锺柔美（Yumi）和詹天文（Windy）当然亦喺歌手列之中，令人联想炎明熹有可能已经离巢。寻日（26日）少有见人嘅炎明熹亦上载睇唔到样嘅唱歌片，佢就自爆前排病咗一直都冇唱歌，疑似暗示冇工开，如今佢再“现身”，翻唱汤令山嘅《紧急联络人》，唔知系咪有弦外之音呢？

至于无綫旗下唱片公司TVB Music Group(简称TMG)CEO张仲恒对于炎明熹在无綫官网“被消失”再惹离巢揣测一事，他接受访问时声称纯属一场误会，他说：“系因为公司嘅网页Update紧，公司艺人同爱爆音乐嘅歌手先放上网啫，唔系冇炎明熹嘅，会迟啲上载，其实如果大家有留心睇，其实连周吉佩，中年好声音嗰班歌手都未放上网，公司稍后连幕后配音组嘅同事都会摆上网嘅。”问到炎明熹跟唱片公司的合约年期，他谓：“仲有一段时间嘅，（有冇信心留住佢？）合约一路都倾紧，咁倾合约系双方㗎嘛。”