郭富城尾場騷拜神嗌「Good Show」　感激粉絲入場支持

天王郭富城（城城）在紅館一連13場的《郭富城ICONIC世界巡迴演唱會2024-香港站》今晚舉行尾場，經理人小美、排舞師Sunny Wong、鄭丹瑞、陳淑芬與一眾舞蹈員一起進行拜神儀式，城城主持切燒豬，全場大嗌「壓軸Good Show」，紅館外有過百來自內地的粉絲亦一起大嗌「城城Good Show」。

城城受訪時表示感到開心及不捨，又言今次開騷花了不少心思，「同對上8次有啲唔同，尤其3面台設計，喺科技追求下，無論坐邊個空間位置都睇得好舒服，睇到成個製作，呈現最佳狀況。」城城對自己表現感滿意，做到想做的事，又感謝入場的觀眾。

今次是他踏入紅館30年，亦是他第九個紅館騷，「係唔容易嘅，希望將來再返嚟紅館，可以再帶新的音樂、舞蹈和製作畀大家。」對他來說台上畫畫是新鮮事，對於下次演唱會暫為有想法，不過見今次觀眾反應好，會朝着這方向，正如他的新歌《您》的歌詞，亦是他的心態。