關智斌爆肌小泳褲迎戰阿Sa　手臂大髀一樣粗

藝人蔡卓妍（阿Sa）近日激罕晒噴血比堅尼相，揈水髮一幕令網友流晒口水，估唔到竟引發泳照大戰，依家首位挑戰者就有關智斌（Kenny），佢留言挑機：「我都要post一張挑戰你個summer body先！」大家都以為佢係講吓笑，尋晚（27日）Kenny真係晒出爆肌相，令網友眼前一亮。

雖然大家都知Kenny body線條出眾，永遠keep到fit爆身形，依家佢似乎再升cup，加上強勁三頭肌、二頭肌，手臂同大髀一樣粗，腹肌更令粉絲睇到心心眼。佢先留言大讚阿Sa有婀娜多姿、玲瓏浮特嘅曲線，令佢咬牙切齒妒忌恨，所以先會「睇唔過眼」加入戰團，仲留言：「男藝人關智斌看不過眼，決定！穿起10多年都沒有穿過的小泳褲迎戰！」