劉謙曾含淚道唔再參加春晚　騷前已證實患肺腺癌

知名台灣魔術師劉謙於今年內地春晚上失手，當表演紙牌對比橋段時，主持人尼格買提因驚慌神情，意外踢爆劉謙嘅啤牌魔術失敗，節目出街後知名主持人任魯豫透露，劉謙離開前對自己含淚表示，自己往後「可能再也參加不了春晚」，令人心酸。當時大家以為劉謙因再次魔術失敗出醜人前，而放棄再參加春晚，如今網上爆出佢其實喺登春晚前，就已被檢查出肺部有陰影，為演出拖到表演結束後先做手術，而佢亦對外鬆口證實：「確實罹患肺腺癌，已於2月中做完手術。」

先前劉謙曾傳出因創業受挫，導致抑鬱症狀纏身，台媒今日（28日）指，劉謙已證實自己罹患肺腺癌，已於2月中做完手術，目前戒掉煙癮，亦積極回診追蹤，依家已經正式復出繼續四處表示魔術，上星期佢先同成功衞冕奧運女單金牌嘅中國乒乓球代表陳夢等猛人出席活動，精神非常唔錯。劉謙之後在社交網報平安，他說：「謝謝大家關心，我現在好的很，還在巡演中，估計還能再變很久的魔術！」