里奧勒度狄卡比奧被行家爆豪派40萬港元貼士　搞喊侍應

奧斯卡金像影帝里奧勒度狄卡比奧（Leonardo DiCaprio）最近孖住索模女友Vittoria Ceretti於歐洲度假遊山玩水，最近他就被爆日前與女友等人在一餐廳食飯時突然向一名餐廳侍應豪派5萬歐元巨額貼士！

據知當時里奧仔與女友等一行15人幫襯法國南部一間高級餐廳，玩得盡興的他埋單時心情大靚，竟然向在場一侍應豪派5萬歐元（約435,000港元）貼士，即令侍應開心到喊。而爆料者正是法國一名男星Benjamin Castaldi，他近日接受訪問時表示自己親眼目睹事發經過，他表示：「我見到那位男侍應收到貼士後返到我身邊，我見到佢喊，滿眼淚水。呢單係真事，我親眼見到！有5萬歐元貼士！」除了大爆里奧仔豪派貼士之外，Benjamin更大爆見到里奧仔擁有的信用卡如別不同，他形容張卡：「成張卡係白色空白一片，冇印名、冇銀行名稱，乜都冇...睇嚟係想用幾多錢就可以用幾多錢那種！」