莫華倫嫩妻心口公仔變晒形　激凸遊日玩三人行

「中國三大男高音」莫華倫成日陪細28歲嫩妻王冰冰去旅行玩，網友最關注嘅自然係身材出眾嘅王冰冰，佢每次見人都會悉心打扮，性感造型從未令人失望。今次佢哋就去咗日本玩，仲現身東京著名景點Shibuya Sky睇日本景色，靚人靚景自梗係別有一番風味，尤其王冰冰以緊身大露背小背心襯白色迷你短裙仔，心口激凸到連公仔都變晒形，睇到男士心癢癢，佢仲要吓吓影相都踎地高炒，完全唔錫身，確係養眼。

佢仲晒出原來今次仲有王冰冰媽媽同行，不過王媽媽打扮就偏樸素，撐住行山枴杖咁緊跟愛女觀光，又有女婿陪行，一行人幸福又富貴，仲意外展示兩母女原來係餅印咁似。至於莫華倫就以斯文休閒look現身，一身淺色短褲套裝，Casual得嚟又夠young。