許維恩半裸自拍被鏡「出賣」　剥淨底褲激嬲老公

台灣性感女神許維恩去年同藝人王家粱結婚，並誕下寶貝囡囡「忒忒」，一家三口非常美滿，而許維恩亦已積極備孕打排卵針，望於45歲前生第二胎。依家已經回復索爆身形嘅佢，尋日（28日）佢上載自己洗完頭髮的自拍照，本身佢就係影自己靚樣，點知就意外被後方塊鏡嘅反射「出賣」，令半裸一面曝光！

許維恩於自拍中，本身僅影住大頭自拍，顏值依舊有仙氣，並留言：「喜歡洗完頭髮的造型，短髮不錯看，我又放肆了」原本只見佢性感肩線，點知原來佢係全身光溜溜咁坐喺鏡前自拍，白皙美背和纖細腰線一覽無遺，仲疑似僅着底褲就影相，令臀形就同時曝光，搞到老公都忍唔住留言：「火大了我！」