傳撻着王星越　吳謹言「墮落」做艷星有金主包養

內地花旦吳謹言早前憑翻身作《墨雨雲間》人氣再次急升，重番一線地位嘅佢，就傳同《墨》男主角、細佢12年嘅王星越撻着，更會「二搭」於新劇再譜姊弟戀。如今佢哋將拍攝嘅新劇內容見街，據了解，新劇將會改篇內地言情小說《墜落春夜》，劇情為美豔女星「烏蔓」出道多年，被一名金主包養，對方唔允許佢拍接吻戲、親密戲。之後烏蔓為追求突破，接咗部戲，男主角正係20歲影帝「追野」，對方強烈追求，展現錯綜複雜三角關係。

《墜落春夜》女主角係「被包養艷星」設定，令唔少網友直呼劇情狗血，擔心劇本未寫好就會毀咗部劇，亦有人指吳謹言一向都係小家碧玉形象，感覺唔太能勝任「美豔女星」形象，此外，有人提到呢部劇男二金主先係核心角色，反而更關心男二會係由邊位型男出演。