陳建州日本旅行態度麻麻　范瑋琪被揭拎美國護照

台灣歌手范瑋琪（范范）與老公陳建州（黑人）早前雖然驚傳離婚，不過二人隨住多次同行去旅行，令傳聞不攻自破，今次佢哋再被偶遇出遊，有網友表示前日（28日）喺日本大阪關西機場準備過海關時，就見到范瑋琪一家，兩個仔仔企佢前面，接住就係黑人、范范依序走在後方。

網友指范范企後面，手中拎晒全家人護照，黑人就碌住手機等，當佢發現老婆拎住護照、機票拍拍佢時，佢嘴形就似乎講咗句：「等一下」，引嚟網友好奇黑人係咪咁唔耐煩，答一句老婆都唔想。另外，有網友就發現范范原來係拎美國護照，原作者就答：「是的，我也大吃一驚」其他網友即補充表示：「范出生在美國，美籍正常吧。」解開眾人疑團。